Эрон ТИВ янги олий раҳбар Мужтабо Хоманаийнинг жароҳатланганини тасдиқлади
Эроннинг янги олий раҳбари Мужтабо Хоманаий жароҳатланган, бироқ унинг аҳволи жойида. Бу ҳақда Эрон ТИВ вакили Исмоил Бақоий маълум қилди.
— У жароҳат олган, лекин аҳволи яхши. У биринчи нутқи билан қачон чиқиш қилишини билмайман, — деди Бақоий Италиянинг Corriere della Sera газетасига берган интервьюсида.
ТИВ вакилининг сўзларига кўра, олий раҳбар лавозимига уч-тўртта номзод даъвогарлик қилган, бироқ якунда экспертлар Мужтабо Хоманаийни танлашган.
Аввалроқ Мужтабо Хоманаий Исроил ва АҚШ ҳарбий операциясининг биринчи кунида оёғидан жароҳат олгани ҳақида хабар берилган эди. Шу сабабли у сайланганидан бери омма олдида кўриниш бермаган ва ҳеч қандай баёнот билан чиқмаган.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг