Доналд Трамп Twitter’даги аккаунтини қайтариш учун судга мурожаат қилди
АҚШнинг собиқ президенти Доналд Трамп Флориданинг федерал судидан ўз саҳифасини вақтинча тиклашга мажбурлашни сўради. Бу ҳақда Риа Новости хабар берди.
Трампнинг Twitter’га нисбатан илтимосномаси жума куни Флоридадаги судга юборилган. Трампнинг қайд этишича, Twitter собиқ президент ҳисобини Конгрессдаги сиёсий рақиблари босими остида ёпган. Агентлик маълумотларига кўра, Twitter Трамп баёнотига изоҳ бермаган.
Трамп, шунингдек, Қўшма Штатлар президенти бўлиб ишлаганида, Twitter унинг ҳисобини асоссиз равишда цензура қилиб, ўз постларини «нотўғри маълумотлар» деб белгилаганини қўшимча қилган.
2021 йил январь ойида Twitter «зўравонликка ундаш хавфи остида» Трамп ҳисобини музлатиб қўйган. Бундан ташқари, январь ойининг бошида Facebook, Twitter, Instagram ва бошқа ижтимоий тармоқлар Трампнинг профилига киришни турли даврларга ёпиб қўйган эди. Бундай чораларнинг қўлланинлишига сабаб АҚШ президентининг 6-январь куни АҚШ Конгресси биносида намойиш уюштирган қўзғолончиларга мурожаати сабаб бўлган.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг