Бухорода аёл 5 ёшли фарзандини икки йилдан бери бешикка боғлаб калтаклаб келаётгани аниқланди
Бу ҳақда Болалар омбудсмани ахборот хизмати маълум қилди.
Мазкур ҳолат юзасидан Шофиркон тумани ички ишлар органлари олиб борган терговга қадар текширувда аниқланишича, С.Н. ўз фарзанди 2018 йилда туғилган С.Ф. ни бешикка боғлаган ҳолатда таёқ ва бошқа жисмлар билан муттасил равишда узоқ вақт давомида (2022 йилнинг март ойларидан 2023 йил ноябрь ойигача) калтаклаб, қийнаб келган.
Мазкур ҳолат юзасидан С.Н. га нисбатан ЖКнинг 110-моддаси 2-қисми, “а,в” бандлари (вояга етмаган, ожиз аҳволдалиги аён бўлган шахсни қийнаш) билан жиноят иши қўзғатилиб, ҳозирда Шофиркон тумани ИИБ томонидан дастлабки тергов ҳаракатлари олиб борилмоқда.
Мазкур ҳолат бўйича боланинг манфаатлари ишончли таъминланиши юзасидан Болалар омбудсмани ўз кузатувини давом эттиради.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг