Бразилиялик футбол юлдузи Россия клубига ўтиши мумкин
Россиянинг ЦСКА клуби бразилиялик футболчи Филипе Коутиньони ўз сафига қўшиб олиш имкониятини кўриб чиқмоқда. Бу ҳақда «SE» нашри хабар берди.
Манбага кўра, Москва клуби ўз вақтида «Ливерпуль», «Барселона» ва «Бавария» клубларида тўп сурган Коутиньони трансфер қилиш устида иш олиб бормоқда. Жамоа уни эркин агент сифатида таркибига қўшиб олишни режалаштирган.
Маълумот учун, Коутиньонинг сўнгги жамоаси Бразилиянинг «Васко да Гама» клуби бўлган. У ўтган мавсум мазкур жамоа сафида 56 та учрашувда майдонга тушиб, 11 та гол урган ва 5 та голли узатмани амалга оширган.
Эслатиб ўтамиз, 2018 йилда «Барселона» Коутиньони 135 миллион еврога харид қилиб, футбол тарихидаги энг қиммат трансферлардан бирини амалга оширган эди.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг