Автомобиль олди-сотдиси бўйича муаммоли шартномаларнинг тақдири қандай бўлади? - UzAuto Motors изоҳ берди
Шу кунларда UzAuto Motors компаниясига автомобиль олди-сотди шартнома шартларини белгиланган муддатда бажармагани учун шартномалари бекор қилинган, яъни 100 фоиз тўловни бажармаган юридик ҳамда 85 фоиз олдиндан тўловни тўлиқ тақдим этмаган жисмоний шахслардан мурожаатлар келиб туша бошлади. Бу ҳақда компания маълум қилган.
Қайд этилишича, нархларнинг сўнгги ўзгариши ҳамда харидорларнинг шароитини инобатга олган ҳолда, UzAuto Motors компанияси раҳбарияти томонидан ушбу муаммони ҳал қилиш, хусусан, харидор томонидан шартнома шартлари бузилганига қарамай уни бекор қилмаслик бўйича зарур чоралар кўрилмоқда.
Ижобий қарор қабул қилинган тақдирда, шартнома, бўйича тўлиқ ҳажмда тўлов амалга оширмаган харидорларга автомобиль шартномада кўрсатилган нарх бўйича етказиб берилади.
"Шунингдек, UzAuto Motors барча харидорлардан шартномани имзолашдан олдин шартноманинг барча шартларини синчковлик билан ўрганиб чиқиш ва уларга қатъий риоя қилишни сўрайди.
Бизни тўғри тушунишингиздан умидвормиз!" дейилади хабарда.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг