Антонио Эспинос Бутунжаҳон каратэ федерацияси президенти этиб қайта сайланди
Фото: Миллий олимпия қўмитаси
Бугун Туркиянинг Коня шаҳрида каратэнинг WКФ йўналиши бўйича ўсмирлар ва ёшлар ўртасида жаҳон чемпионати старт олади. Мусобақадан аввал Бутунжаҳон каратэ федерациясининг Конгресси ўтказилиб, унда ташкилот президентлигига сайлов бўлиб ўтди.
Халқаро ташкилот раҳбарлигига биргина унинг амалдаги президенти Антонио Эспиноснинг номзоди илгари сурилди. Деярли барча миллий федерациялар ушбу номзодни қўллаб-қувватлашди ва А.Эспинос яна 6 йил муддатга WКФ президенти этиб сайланди.
Маълумот учун, испаниялик ушбу мутахассис 1998 йилдан буён Бутунжаҳон каратэ федерациясини бошқариб келмоқда. Бугун бошланадиган дунё биринчилигида Ўзбекистон терма жамоаси ҳам 16 нафар спортчи билан иштирок этади.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг