Ангела Меркел ўз ҳаёти ҳақида китоб ёзишга қарор қилди
Фото: Der Spiegel
Германиянинг собиқ канцлери Ангела Меркел ўз ҳаёти ҳақида китоб ёзмоқчи эканини маълум қилди. Собиқ канцлер асарни ўзининг маслаҳатчиси бўлиб ишлаган Беате Бауманн билан бирга тайёрлайди, дея хабар берди "Der Spiegel" нашри.
Меркел ушбу китобни тайёрлашда журналистлар ва тарихчиларнинг ёрдамидан фойдаланмаслигини таъкидлаган. Бауманнинг ҳисоб-китобларига кўра, қўлёзмани тайёрлаш тахминан уч йил давом этади.
«Канцлер бутун ҳаётини эмас, аксинча, асосий сиёсий қарорларни қабул қилишдаги ҳолатларни, энг муҳим вазиятларни баён этмоқчи», — дейди Бауманн.
Собиқ канцлер китобда ёритмоқчи бўлган мавзулар қаторида COVID-19 пандемияси, шунингдек, миграция ва молиявий инқироз масалалари ҳам бор.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг