Андижонда 29 ёшли шахс 400 млн сўмлик тилла буюмлар билан ушланди
Фото: ДХХ
Андижон вилоятида Қирғизистондан 400 млн сўмлик тилла буюмлар олиб ўтган шахс ушланди. Бу ҳақда Давлат хавфсизлик хизмати хабар берди.
Маълум қилинишича, Андижон шаҳрида яшовчи, 29 ёшли фуқаро Қирғизистондан «Дўстлик» халқаро назорат ўтказиш пункти орқали кириб келган вақтида тўхтатилиб текширилган. Натижада унинг ёнидан божхона декларациясида кўрсатилмаган, тахминий баҳоси 400 млн сўмлик 241 гр тилла буюмлар топилган.
Аниқланишича, ушбу заргарлик маҳсулотлари сотиш мақсадида Туркия давлатидан Қирғизистон орқали олиб келинаётган бўлган.
Ҳозирда олинган ашёвий далилларга нисбатан экспертиза тайинланиб, ҳолат юзасидан суриштирув ишлари олиб борилмоқда.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг