Фото: РИА «Новости»

Глобал ойлик смартфон савдосини кузатиб борувчи "Counterpoint" ташкилоти 2021 йилда энг кўп сотилган 10 смартфон номини эълон қилди. Унга кўра, энг харидор 10 та смартфон рейтингида "Apple" саккизта маҳсулоти жой олган.

Жумладан, "iPhone 12", "iPhone 12 Pro Max", "iPhone 13", "iPhone 12 Pro" ва "iPhone 11" мос равишда 1-5-ўринларни банди этди. Қайд этилишича, дастлабки учта модель "Apple" савдосининг 41 фоизини ташкил қилган.

Олтинчи ўринда "Samsung Galaxy A12" жойлашган бўлиб, у 2021 йилда энг кўп сотилган "Android" смартфонига айланди. "Xiaomi" компаниясининг "Redmi 9A" смартфони еттинчи, "Redmi 9" эса ўнинчи ўринни эгаллади. Ушбу "Redmi 9" серияли қурилмалари "Xiaomi"нинг ўтган йилги жами савдосининг 22 фоизини ташкил қилган.

Бюджет вариантидаги "iPhone SE 2020" ва "iPhone 13 Pro Max" флагмани мос равишда саккизинчи ва тўққизинчи ўринларни банд этди.

Умуман олганда, 2021 йилда жами смартфонлар сотувининг 14,2 фоизи "iPhone" ҳиссасига тўғри келган бўлса, энг кўп сотилган "Android" смартфонлар учлигига бу улушнинг атиги 5 фоизини ташкил этди.