Futbol bo‘yicha jahon chempionatining to‘rtinchi kuni kutilmagan natijalarga boy bo‘ldi. Unda musobaqa favoriti deya qaralayotgan ikki terma jamoa kutilmagan natijalarni qayd etdi.

Ye guruhida ishtirok etayotgan Braziliya terma jamoasi 1-turni Shveysariya terma jamoasiga qarshi o‘tkazib, g‘alaba qozona olmadi. Birinchi bo‘limda Koutino tomonidan kiritilgan golga, yevropaliklar Suberning goli bilan javob qaytarishdi. Guruhning ikkinchi uchrashuvida esa Serbiya Kosta-Rika bilan to‘qnash kelib, Aleksandr Kolarovning yagona goli evaziga g‘alabani ilib ketdi.

Kunning eng kutilmagan natijasi F guruhida kuzatildi. Amaldagi jahon chempionlari Germaniya terma jamoasi Meksika vakillariga qarshi maydonga tushib, kutilmaganda 0:1 hisobida imkoniyatni boy berib qo‘ydi. Yagona golga Losano mualliflik qildi.

Bugun 1-turning so‘nggi uchrashuvlari bo‘lib o‘tadi.

JCH-2018

E guruhi

Braziliya – Shveysariya 1:1 (1:0)

Gollar: Koutino (20) – Suber (50).

Braziliya: Alisson, Danilo, Tiago Silva, Miranda, Marselo, Paulino (Renato Augusto, 67), Kazemiro (Fernandino, 60), Koutino, Villian, Gabriel Jezus (Firmino, 79), Neymar.

Shveysariya: Zommer, Lixtshtayner (Lang, 87), Sher, Akandji, Rodriges, Bexrami (Zakariya, 71), Djaka, Shakiri, Djemaili, Suber, Seferovich (Embolo, 80).

Ogohlantirishlar: Lixtshtayner (31), Kazemiro (47), Sher (65), Bexrami (68).
 

Kosta-Rika – Serbiya 0:1 (0:0)

Gol: Kolarov (56).

Kosta-Rika: Navas, Akosta, Gonsales, Duarte, Gamboa, Borxes, Gusman (Kolindres, 73), Kalvo, Ruis, Venegas (Bolanos, 60), Urenya (Kempbell, 67).

Serbiya: Stoykovich, Ivanovich, Milenkovich, Toshich, Kolarov, Milivoyevich, Matich, Tadich (Rukavina, 83), Milinkovich-Savich, Lyayich (Kostich, 70), Mitrovich (Priyovich, 90).

Ogohlantirishlar: Kalvo (22), Gusman (56), Ivanovich (59), Priyovich (90).

F guruhi

Germaniya – Meksika 0:1 (0:1)

Gol: Losano (35).

Germaniya: Noyer, Kimmix, Boateng, Xummels, Plattenxardt (Gomes, 79), Xedira (Roys, 60), Kroos, Myuller, Ozil, Draksler, Verner (Brandt, 86).

Meksika: Ochoa, Salsedo, Ayyala, Moreno, Galyardo, Errera, Guardado (Markes, 74), Layyun, Vela (Alvares, 58), Losano (Ximenes, 66), Ernandes.

Ogohlantirishlar: Moreno (40), Myuller (83), Xummels (84), Errera (90).