Janubiy Koreyaning sobiq mudofaa vaziri oʻz joniga qasd qilishga urindi
Janubiy Koreyaning sobiq mudofaa vaziri Kim Yon Xyon tergov izolyatorida oʻz joniga qasd qilishga urindi, deb yozadi Yonhap agentligi.
U qamoqxonada kiyimlaridan yasalgan arqon yordamida oʻzini osmoqchi boʻlgan. Bu seshanba kuni kechqurun Seuldagi sud sobiq vazirni isyonni tashkillashtirishda ishtirok etganlikda ayblab, rasman hibsga olishidan sal oldin sodir boʻlgan.
Janubiy Koreya prezidenti Yun Sok Yol 3-dekabr kuni mamlakatda harbiy holat eʼlon qildi. Parlament bu qarorni blokladi, shundan soʻng prezident uni bekor qilishga majbur boʻldi. Soʻngra mudofaa vaziri isteʼfoga chiqdi va tergov boshlandi.
Bu ishda prezidentning oʻzi ham ishtirok etgan va unga mamlakatdan chiqib ketish taqiqlangan. Chorshanba kuni politsiya uning qarorgohida reyd oʻtkazdi.
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring