Yaponiya tashqi ishlar vaziriga Jahon iqtisodiyoti va diplomatiya universitetining faxriy doktori unvoni berildi
Foto: Tashqi ishlar vazirligi axborot xizmati
Oʻzbekistonga ikki kunlik tashrif bilan kelgan Yaponiya tashqi ishlar vaziri Yosimasu Xayashi bugun Jahon iqtisodiyoti va diplomatiya universiteti professor-oʻqituvchilari va talabalari bilan uchrashdi.
Yaponiya tashqi ishlar vaziriga Oliy Majlis Senati raisining birinchi oʻrinbosari, JIDU rektori Sodiq Safoyev universitet tarixi va faoliyati, Yaponiyadagi hamkor universitetlar bilan munosabatlarni rivojlantirish boʻyicha maʼlumotlar, yapon tilini oʻrganish dasturlari bilan tanishtirildi.
Vazirga JIDU faxriy doktori unvonini berish toʻgʻrisidagi universitet Ilmiy kengashining qarori oʻqib eshittirildi hamda bu haqdagi diplom va mantiya tantanali ravishda topshirildi.
JIDU faxriy doktori Yosimasu Xayashi universitet professor-oʻqituvchilari va talabalari oldida soʻzga chiqib, Yaponiya Tashqi ishlar vazirligining faoliyati, mamlakatimiz bilan ikki tomonlama hamkorlikning muhim yoʻnalishlari haqida aytib oʻtdi.
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring