“Volvo”lardagi nayranglar fosh boʻldi
Sirdaryo viloyati bojxona boshqarmasi tasarrufidagi “Sirdaryo” chegara bojxona postiga qoʻshni mamlakatdan kirib kelgan fuqaro H.N. boshqaruvida boʻlgan “Volvo” rusumli yuk avtomashinasi belgilangan tarzda xolislar ishtirokida nazoratdan oʻtkazildi.
Natijada, avtomashinaning qoʻshimcha yukxonasida deklaratsiyada koʻrsatilmagan va bojxona xodimlarining ogʻzaki soʻrovida maʼlum qilingaman 8,3 million soʻmlik kiyim-kechaklar yashirilganligi aniqlandi. Bu haqda DBQ xabar berdi.
Yana bir holatda mazkur post bojxonachilari eʼtiborini qoʻshni mamlakatdan kirib kelgan “Volvo FH 4XT” rusumli yuk avtomashinasi tortdi va fuqaro Z.A. boshqaruvidagi mazkur avtomashina belgilangan tartibda nazoratdan oʻtkazildi.
Tekshiruv jarayonida avtomashinada tegishli hujjatlari boʻlmagan 23,6 million soʻmlik tovar moddiy boyliklari borligi aniqlandi.
Hozirda yuqoridagi holatlar yuzasidan bojxona organlari tomonidan surishtiruv harakatlari davom ettirilmoqda.
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring