Vobkentda mingga yaqin ehtiyojmand aholi vakillari bepul tibbiy koʻrikdan oʻtkazildi
Foto: Sog'liqni saqlash vazirligi matbuot xizmati
Respublika shoshilinch tibbiy yordam ilmiy markazi Buxoro filiali vakillari va Rossiyadan kelgan yetakchi mutaxassislar ishtirokida Vobkent tumanlararo qoʻshma shikastlanishlar va oʻtkir qon-tomir kasalliklari markazida chuqurlashtirilgan tibbiy koʻriklar tashkil etildi.
Aksiya doirasida shifokorlar tomonidan “Temir daftar”, “Ayollar daftari”, “Yoshlar daftari” hisobida turuvchi va ehtiyojmand bemorlardan 910 nafari bepul tibbiy koʻrikdan oʻtkazilib, 143 nafarida turli kasalliklar aniqlandi.
Ushbu bemorlardan 36 nafari Vobkent tuman tibbiyot birlashmasiga gospitalizatsiya qilinib, 32 nafariga viloyat davolash muassasalariga yoʻllanma berildi. 8 nafarida esa yuqori texnologik amaliyotlar bajarildi. Qolgan bemorlarga ham tor soha mutaxassislari tomonidan tegishli tavsiyalar berildi.
Endi bunday aksiyalar viloyatning boshqa shahar va tumanlarida ham oʻtkaziladi.
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring