2021-yil 15-iyundan boshlab “Uzbekistan Airways” AJ Moskvaning Domodedovo aeroportidan parvozlarni qayta boshlaydi. Bu haqda Transport vazirligi axborot xizmati xabar berdi.

“Uzbekistan Airways” va Domodedovo oʻrtasidagi hamkorlik aeroportning sherik aviakompaniyalari parvozlari va transfer reyslari keng geografiyasi tufayli Oʻzbekistonda turizmni jadal rivojlantirish uchun qulay sharoit yaratadi.

“Hamkorligimiz yoʻlovchilarga parvozlar vaqtini va xarajatlarini sezilarli darajada tejash uchun yangi imkoniyatlarni ochadi”, - dedi “Uzbekistan Airways” AJning Rossiya Federatsiyasidagi mintaqaviy vakili Akmal Joʻrayev.

«Biz hamkorlikning yangi sahifasini ochmoqdamiz va aeroportning texnologiyalari va vakolatlaridan foydalanib, “Uzbekistan Airways«ning bozordagi mavqeini mustahkamlashga intilamiz. Ishonchim komilki, Oʻzbekistonning boy tarixi va madaniyati sayyohlarning eʼtiborini tortadi va aviakompaniyaning parvozlaridagi qulaylik va xizmat Domodedovodan joʻnab ketish foydasiga tanlovni belgilaydi», – dedi Moskvaning Domodedovo aeroporti direktori Andrey Pavlov.