U-23 Osiyo chempionati saralashining 2-turida Oʻzbekiston Qirgʻiziston bilan durang oʻynadi
6-sentyabr kuni U-23 Osiyo chempionati saralash bosqichining 2-tur uchrashuvlari boʻlib oʻtdi.
“E” guruhidan oʻrin olgan bahsda Oʻzbekiston yoshlar terma jamoasi Qirgʻizistonga qarshi maydonga tushdi. Qirgʻizistonda boʻlib oʻtgan bellashuv 2:2 hisobidagi durang bilan yakunlandi.
Oʻzbekiston termasi safida “Surxon” hujumchisi Rustam Turdimurodov va “Paxtakor” yarimhimoyachisi Behruz Asqarov gol urdi. Qirgʻiziston jamoasi tarkibidan esa Beknaz Almazbekov va Arsen Sharshenbekov hisobni tenglashtirishdi.
Ushbu natijadan soʻng, toʻplar nisbatiga koʻra, Oʻzbekiston U-23 terma jamoasi guruhda peshqadamlikni saqlab qoldi.
Maʼlumot uchun, Ravshan Haydarov boshqaruvidagi yoshlar termasi 9-sentyabr kuni Falastinga qarshi maydonga tushadi.
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring