Toshkentda muddati oʻtgan dori vositalarini sotayotgan tadbirkor ushlandi
Foto: Illustrativ foto
Poytaxtning Yashnobod tumanida yaroqlilik muddati oʻtib ketgan dori-darmonlarni sotishning oldi olindi. Bu haqda Bosh prokuratura huzuridagi Iqtisodiy jinoyatlarga qarshi kurashish departamenti matbuot xizmati xabar berdi.
Tergovga qadar oʻtkazilgan tekshirish chogʻida tadbirkor xususiy korxonadan 1000 oʻram «Prometey» sotib olgani maʼlum boʻldi. Dorilarning yaroqlilik muddati oʻtib ketganiga qaramay, tadbirkor ularni yetkazib beruvchiga qaytarib bermay, sotuvga qoʻygan.
Qayd etilishicha, u 269 dona muddati oʻtgan paketlarni sotishga muvaffaq boʻlgan. Qolgan 731 ta paket uyda saqlangan.
Mazkur holat yuzasidan Jinoyat kodeksining 186-3-moddasi bilan jinoyat ishi qoʻzgʻatilgan. Hozirda tergov harakatlari olib borilmoqda.
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring