Toshkentda aholi xonadonida yirik yongʻin yuz berdi
Videodan kadr
Toshkent shahri Yunusobod tumanida joylashgan aholi xonadonida yongʻin yuz berdi. Bu haqda poytaxt Favqulodda vaziyatlar bosh boshqarmasi xabar berdi.
Maʼlum qilinishicha, bugun, 15-mart kuni soat 11:09 da Yunusobod tumani, Oqtepa 6-tor koʻchasida joylashgan shaxsiy xonadonda yongʻin sodir boʻlayotgani toʻgʻrisida Toshkent shahar FVBBga xabar tushgan.
Shunga koʻra, qutqaruv texnikalari aytilgan manzilga soat 11:19 da yetib borib, soat 11:57 alangani qurshab olib, 12:16 da toʻliq oʻchirishga erishgan. Bildirilishicha, yongʻin oqibatida jarohatlanganlar yoʻq.
Hozirda yongʻinning kelib chiqish sababi va keltirilgan moddiy zarar miqdori aniqlanmoqda.
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring