Toshkent viloyatida 8-noyabrdan isitish mavsumi boshlanadi
Toshkent viloyatida isitish mavsumi 8-noyabrdan boshlanadi. Bu haqda viloyat hokimi Zoir Mirzayevning tegishli qarorida maʼlum qilingan.
Hujjatga koʻra, bugun, 8-noyabr soat 10:00 dan boshlab issiqlik manbalaridan chiqadigan issiqlik energiyasining aylanma harakati ishga tushiriladi.
Bu vaqtda Qurilish va uy-joy kommunal xoʻjaligi boshqarmasi hamda viloyat “Issiqlik manbai” IChB markazlashgan issiqlik taʼminoti tizimining barcha qismlari tekshiriladi hamda imkoniyatlari aniqlanadi.
Qarori bilan viloyat “Issiqlik manbai ishlab chiqarish boshqarmasi” DUK, barcha ijtimoiy soha rahbarlari, shahar va tuman hokimliklari yetkazib berilayotgan issiqlik energiyasi uchun kreditorlik-debitorlik qarzlari oshib ketmasligi uchun shaxsan javobgar ekani belgilangan.
Shuningdek, shahar va tuman hokimlariga barcha ijtimoiy soha rahbarlari bilan birgalikda bir hafta muddatda qoʻshimcha ravishda barcha ijtimoiy soha obyektlaridagi isitish qozonlarini xatlovdan oʻtkazish topshirilgan.
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring