Toshkent davlat agrar universitetining Nukus, Termiz va Samarqand filiallari institutga aylantiriladi
Hukumat qarori bilan Agrar taʼlim tizimining 2030-yilgacha boʻlgan innovatsion rivojlanish strategiyasi tasdiqlandi.
Qarorga muvofiq, qishloq xoʻjaligida “Aqlli qishloq xoʻjaligi” (Smart agriculture) va raqamli texnologiyalar joriy qilinadi.
Strategiyaga koʻra, 2030-yilga qadar, jumladan:
➖ 30 ta xorijiy OTM bilan hamkorlikda qoʻshma taʼlim dasturlari tashkil etiladi;
➖ qishloq xoʻjaligi sohasida koʻrsatiladigan interaktiv xizmatlari soni 20 taga yetkaziladi;
Agrar taʼlim tizimidagi OTMlarni dunyoning nufuzli 1000 ta oliy taʼlim muassasalari roʻyxati (QS reyting tizimi)ga kiritish choralari koʻriladi.
2020/2021 oʻquv yilidan sohadagi barcha bakalavriat taʼlim yoʻnalishlari va magistratura mutaxassisliklarida taʼlimning kredit-modul tizimi bosqichma-bosqich joriy etiladi.
Toshkent davlat agrar universitetining Nukus, Termiz va Samarqand filiallari institutga aylantiriladi.
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring