Shifokor gipertoniyadan qutulishning uchta usuli haqida maʼlumot berdi
Illyustrativ foto
Doimiy jismoniy faollik va odatdagi parhezni oʻzgartirish, shu jumladan haddan tashqari shoʻr ovqatlardan voz kechish gipertoniya rivojlanish xavfini sezilarli darajada kamaytiradi va qon tomirlarining holatini yaxshilaydi. Bu fikrlarni kardiolog Herman Gandelman aytib oʻtdi
Mutaxassisning taʼkidlashicha, dori vositalarisiz qon bosimini kamaytirish va meʼyorida ushlab turish uchun parhezga hamda ortiqcha vaznga alohida eʼtibor qilish kerak.
«Agar vaznni 1 kg.ga kamaytirsak, bosim mos ravishda 1 mm simob ustuniga kamayadi. Vaznning 5 kg.ga kamayishi bosimni 5 mm simob ustuniga kamaytiradi. Yaʼni qon tomirlardagi yuk kamroq boʻladi», deydi kardiolog.
Uning qayd etishicha, tuzdan voz kechish muhimdir. Chunki natriy shish va suyuqlikni ushlab turishga olib keladi. Natijada qon tomirlarining devorlari torayadi, bosim kuchayadi. Bu gipertonik inqiroz va insultga olib kelishi mumkin. Oʻrtacha jismoniy mashqlar ham qon bosimini normallashtirishi mumkin.
Shifokorning taʼkidlashicha, sogʻlom odamda qon bosimi 130/80 dan yuqori boʻlmasligi kerak.
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring