Qonun hujjatlariga muvofiq quyidagi toifadagi shaxslarga bepul kurort vaucherlari beriladi:

— urush nogironlariga va qatnashchilariga tenglashtirilgan shaxslar;

— halok boʻlgan harbiy xizmatchilarning beva xotinlari (beva erlari);

—respublika ahamiyatiga molik shaxsiy pensiya oluvchi shaxslar;

— Chernobil AES halokati oqibatida nurlanish kasalligiga chalingan va uni boshidan kechirgan shaxslar, shuningdek Chernobil halokati sababli nogiron boʻlib qolgan shaxslar;

— yadro poligonlari va boshqa radiatsiya-yadro obyektlarida harbiy xizmatni oʻtagan shaxslar;

— I va II-guruh nogironlari, koʻzi ojiz I-guruh nogironini kuzatib boruvchi shaxs;

— yolgʻiz keksalar;

— yoshga doir pensionerlar.

Yoʻllanma olish uchun quyidagilarni taqdim etishingiz kerak: ariza, pasportingiz nusxasi, yuqoridagi fuqarolarga imtiyozdan foydalanish huquqini beruvchi hujjatlar.

a) har yili (navbat asosida):

— urush nogironlariga tenglashtirilgan shaxslarga;

— respublika ahamiyatiga molik shaxsiy pensiya oluvchi shaxslarga;

— Chernobil AES halokati oqibatida nurlanish kasalligiga chalingan va uni boshidan kechirgan shaxslar, shuningdek Chernobil halokati sababli nogiron boʻlib qolgan shaxslarga;

— yadro poligonlari va boshqa radiatsiya-yadro obyektlarida harbiy xizmatni oʻtagan shaxslarga;

— yolgʻiz keksalarga;

b) ikki yilda bir marotaba (navbat asosida):

— urush qatnashchilariga tenglashtirilgan shaxslarga;halok boʻlgan harbiy xizmatchilarning beva xotinlariga (beva erlariga);

— I va II-guruh nogironlari, koʻzi ojiz I-guruh nogironini kuzatib boruvchi shaxsga;

v) sanatoriylarda boʻsh oʻrin mavjud boʻlgan taqdirda, navbat asosida, ammo 3 yilda 1 marotaba — yoshga doir pensionerlarga.