Saida Mirziyoyeva Marko Rubio bilan uchrashdi
Kecha, 7-aprel kuni Oʻzbekiston Prezidenti Administratsiyasi rahbari Saida Mirziyoyeva Vashington shahrida AQSH Davlat kotibi Marko Rubio bilan biznes-nonushta formatida uchrashdi.
Saida Mirziyoyevaning yozishicha suhbat chogʻida Amerika–Oʻzbekiston ishbilarmonlik va investitsiya kengashi yigʻilishi natijalari muhokama qilingan. Bundan tashqari, iqtisodiy loyihalar portfeli izchil kengayib borayotgani qayd etilgan.
“Strategik sherikligimizni yanada rivojlantirishga qoʻshayotgan katta hissasi uchun janob Davlat kotibiga oʻz minnatdorligimni bildiraman”, deydi Prezident Administratsiyasi rahbari.
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring