Rio-de-Janeyro Tokio-2020 eshiklarini ochadi
28-avgust kuni Braziliyaning Rio-de-Janeyro shahrida pnevmatik qurollardan oʻq otish boʻyicha Jahon kubogining uchinchi bosqichi start oladi. 3-sentyabrgacha davom etadigan Tokio Olimpiadasiga yoʻllanma beruvchi mazkur musobaqada Oʻzbekiston terma jamoasi ham ishtirok etadi. Bu haqda MOQ matbuot xizmati xabar berdi.

Hamyurtlarimiz ayni paytda Rioga yetib kelishdi va tayyorgarlikning soʻnggi bosqichini olib borishmoqda. Taʼkidlash joiz, mazkur bellashuvlarni kuzatib borish va vakillarimizni qoʻllab-quvvatlash uchun Oʻzbekiston oʻq otish sporti federatsiyasi rahbari Oybek Norinboyev ham Braziliyaga tashrif buyurgan. Hamyurtlarimiz musobaqada 10 metr masofadan pnevmatik miltiq va toʻpponchadan, shuningdek, 50 metrdan 3 xil holatda oʻq otish yoʻnalishlarida ishtirok etadilar. Terma jamoamiz tarkibi quyidagicha:
Azizjon Muhammadrahimov
Margarita Orlova
Caidxon Sayfuddinov
Vladimir Svechnikov
Vadim Skorovarov
Muxtasar Tohirova.
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring