Foto: Akmal Muhammadov / “Xalq so‘zi”

Mamlakatimizda yangilanayotgan Konstitusiyani qabul qilish bo‘yicha umumxalq referendumi arafasida joylarda ma’naviy-ma’rifiy tadbirlar tashkil etilmoqda. Bugun ushbu siyosiy-huquqiy jarayonlar mazmun-mohiyatini xalqimizga yetkazishni maqsad qilgan bir guruh olimlar, ziyolilar va elimiz suygan san’atkorlar azim poytaxtimizdan Buxoro viloyatida bo‘lib turibdi.   Qorako‘l tumanidagi Eski qal’a mahalla fuqarolar yig‘ini  joylashgan  Muruvvat uyida "Ma’naviyat festivali" doirasida  o‘tkazilayotgan "Xalq konstitusiyasi bilan xalqchil davlat  sari" shiori ostida "O’zbekiston Respublikasi Konstitusiyasi to‘g‘risida"gi O‘zbekiston Respublikasi Konstitusiyaviy Qonun loyihasi mazmun-mohiyatiga oid ma’naviy-ma’rifiy tadbir bo‘lib o‘tdi.

Targ‘ibot tadbirda tarix fanlari  doktori, "Ma’rifat" targ‘ibotchilar jamiyati  a’zosi Abduhalil Mavrulov, Tarix fanlar doktori, professor, "Ma’rifat" targ‘ibotchilar jamiyati a’zosi Dilorom Bobojonova, O‘zbekistonda xizmat ko‘rsatgan artist "Ma’rifat" targ‘ibotchilar jamiyati a’zosi  Abdulla Shomag‘rubov, Ma’rifat targ‘ibotchilari jamiyati,  a’zosi, shoir Ro‘zimurod Mahmud  hamda mahalla mac’ullari, nuroniy otaxon va onaxonlar, soha xodimlari faol yoshlar ishtirok etishdi. Tadbir ko‘tarinki ruhda o‘tdi. Tadbir davomida so‘zga chiqqanlar yangilanayotgan Konstitusiyada ko‘zda tutilgan inson huquqlari haqida aytib o‘tib o‘tishdi. Tadbir so‘ngida Muruvvat uyiga sovg‘alar topshirildi.

Foto: Akmal Muhammadov / “Xalq so‘zi”