Qayroqqum suv ombori yorilgani rostmi?
14-yanvar kuni ijtimoiy tarmoqlar orqali Tojikiston hududida joylashgan Qayroqqum suv omborining yorilishi natijasida suv toshqini sodir boʻlganligi toʻgʻrisida yolgʻon xabarlar tarqalgan. Ularga FVV matbuot xizmati munosabat bildirdi.
Tojikiston FVV suv omborining ish faoliyati normal ish rejimida ekanligini maʼlum qilgan.
Aniqlanishicha, ushbu xabar Sardoba, Mirzaobod, Oqoltin kabi tumanlarda jiddiy vahima uygʻotgan va ayrimlar oʻz yashash hududini tark etmoqchi boʻlgan.
Viloyat hokimi Gʻofurjon Mirzayev tumanlarga yetib borib, aholiga xabar asossiz ekanligini maʼlum qilgan.
Barchadan yolgʻon mish-mishlarga ishonmaslik va sarosimaga tushmaslik iltimos qilingan.
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring