Yangi tashkil etilgan ixtisoslashtirilgan maktablarga 1-iyuldan qabul boshlanadi
Illustrativ foto
Prezident taʼlim muassasalari agentligi tizimidagi tayanch ixtisoslashtirilgan maktablarga qabul boshlanishi haqida Xalq taʼlimi vazirligi xabar bermoqda.
Xabarda aytilishicha, Muhammad al-Xorazmiy, Mirzo Ulugʻbek va Abu Ali ibn Sino nomidagi ixtisoslashtirilgan maktablarga 2022/2023-oʻquv yili uchun hujjatlar qabuli 1-IYULdan-20-IYULga qadar ONLAYN shaklda ariza.piima.uz sayti orqali amalga oshiriladi.
Qanday hujjatlar talab etiladi?
• Tugʻilganlik toʻgʻrisida guvohnoma;
• 3x4 rasm (oxirgi 2 oyda olingan);
• baholar tabeli nusxasi (direktor tomonidan tasdiqlangan);
• pasport maʼlumotlar va telefon raqamlar (talabgorning ota-onasi yoki uning oʻrnini bosuvchi shaxsning doimiy ishlab turgan telefon raqamlari).
Mazkur maktablarga nechanchi sinfdan qabul qilinadi?
Muhammad al-Xorazmiy nomidagi ixtisoslashtirilgan maktabga 5-sinf, Mirzo Ulugʻbek va Abu Ali ibn Sino nomidagi ixtisoslashtirilgan maktablarga 7-sinf uchun qabul boʻladi.
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring