Foto: president.uz

Prezident raisligida videoselektor yigʻilishi boʻlib oʻtmoqda. Bu haqda Prezident matbuot kotibi Sherzod Asadov xabar berdi.

Yigʻilishda taʼkidlanganidek, 2019-2021-yillarda:

— chorvachilik boʻyicha 8 turdagi subsidiya va imtiyozli kreditlar ajratish yoʻlga qoʻyildi;

— chorvachilikka 15 trillion soʻmdan ziyod kredit mablagʻlari ajratilib, 4,5 mingga yaqin loyiha amalga oshirildi;

— naslchilik xoʻjaliklari soni 3 baravarga koʻpayib, 1 ming 414 taga yetdi;

— chorva mollari soni 1,2 millionga koʻpaydi.

Lekin, respublika boʻyicha har 2 kishiga oʻrtacha 1 ta qoramol toʻgʻri kelsa, bu koʻrsatkich Namangan, Fargʻonada 4 kishiga 1 ta, Toshkent viloyati va Surxondaryoda 3 kishiga 1 tani tashkil etmoqda.

Buxoro, Jizzax, Navoiy, Namangan va Surxondaryoda yirik chorvachilik xoʻjaliklarining soni qolgan hududlarga nisbatan 1,5-2 baravar kam.

Chortoq, Narpay, Urgut, Oltinsoy, Oʻrtachirchiq va Urganch tumanlarida aholini goʻsht bilan taʼminlash darajasi 40 foizga yetmasada, ushbu tuman hokimlari 2022-yilda aniq loyihalarni ishga tushirishni reja qilmagan.

Shu sababli, viloyat hokimlariga bir oyda oʻzgarish qilmagan tuman hokimlarini ishdan olish boʻyicha taklif kiritish topshirigʻi berildi.