Oʻzbekistonning maktab oʻquvchilari Bolgariyada boʻlib oʻtgan xalqaro musobaqada sovrinli oʻrinlarni egallashdi
Joriy yil 30-iyun – 4-iyul kunlari Bolgariyaning Nesebr shahrida “Chegara bilmas matematika” xalqaro musobaqasi boʻlib oʻtdi.
Mazkur musobaqa har yili mazkur shaharda mingdan ziyod oʻquvchilar ishtirokida tashkil etilishi anʼanaga aylangan.
Joriy yildagi musobaqada Ozarbayjon, Qozogʻiston, Ukraina, Serbiya, Bolgariya singari dunyoning 22 mamlakatida 3-9 sinflarda bilim olayotgan 1 280 nafar maktab oʻquvchilari, jumladan, 15 nafar oʻzbek oʻquvchi yoshlari ishtirok etishdi.
Toʻrt kun davom etgan musobaqa natijasiga koʻra, oʻzbekistonlik oʻquvchilarning 1 nafari oltin, 3 nafari kumush hamda 8 nafari bronza medallari bilan taqdirlanishdi.
Musobaqa nihoyasiga yetgach, mamlakatimizning Turkiyadagi elchixonasi vakillari oʻzbekistonlik yoshlar bilan boʻlib oʻtgan uchrashuv chogʻida ularni qoʻlga kiritgan gʻalabalari bilan qutlashdi.
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring