Oʻzbekistonliklardan pul talab qilib kelganlikda gumonlangan Qirgʻiziston chegarasi mutasaddilari hibsga olindi
Oʻzbekiston bilan chegarada joylashgan “Dostuk - Avtodorojniy” nazorat-oʻtkazish punkti boshligʻi va Davlat xavfsizlik qoʻmitasining Oʻsh viloyati boshqarmasi boshliqlari ushlangan. Bu haqda "TACC" xabar berdi.
Tergov maʼlumotlariga koʻra, Chegara xizmati boshligʻining birinchi oʻrinbosari Kursanbek Bektashov boshqa mahbuslar qatorida “Dostuk-avtodorojniy” nazorat-oʻtkazish punktidan oʻtayotgan Oʻzbekiston fuqarolaridan, shu jumladan ogʻir yuk mashinalari haydovchilaridan muntazam ravishda tovlamachilik qilib, pul undirib kelgan.
“Hibsga olinganlar Milliy Xavfsizlik Davlat Qoʻmitasining Oʻsh shahri va Oʻsh viloyatida vaqtinchalik qamoqxonada joylashtirilgan”, - deyiladi xabarda.
Aniqlangan korrupsion holatda boshqa chegarachilarning ham ehtimoliy ishtiroki tekshirilmoqda.
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring