Oʻzbekiston Respublikasi Prezidentini rasmiy kutib olish marosimi boʻldi
Foto: Oʻzbekiston Respublikasi Prezidentining matbuot xizmati
Bugun, 4-oktyabr kuni Budapesht shahrida Vengriya Parlamentining binosi roʻparasidagi Layosh Koshut nomidagi maydonda rasmiy tashrif bilan ushbu mamlakatda boʻlib turgan Oʻzbekiston Respublikasi Prezidenti Shavkat Mirziyoyevni rasmiy kutib olish marosimi boʻldi.
Maydonda oliy martabali mehmon sharafiga piyoda va otliq askarlardan iborat faxriy qorovul saf tortdi. Harbiy orkestr ikki mamlakat davlat madhiyalarini ijro etdi.
Prezident Shavkat Mirziyoyev va Vengriya Prezidenti Katalin Novak rasmiy delegatsiyalar aʼzolarini qutladilar.
Marosim yakunida faxriy qorovul tantanali ravishda saf tortib oʻtdi.
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring