Oʻzbekiston Prezidenti Dushanbega joʻnab ketdi
Oʻzbekiston Respublikasi Prezidenti Shavkat Mirziyoyev Tojikiston Respublikasi Prezidenti Emomali Rahmonning taklifiga binoan 14-sentyabr kuni amaliy tashrif bilan ushbu mamlakatga joʻnab ketdi.
Tashrif dasturiga muvofiq Dushanbe shahrida Markaziy Osiyo mamlakatlari yetakchilarining navbatdagi Maslahat uchrashuvi va Orolni qutqarish xalqaro jamgʻarmasi taʼsischi davlatlari rahbarlarining yigʻilishi boʻlib oʻtadi.
Shuningdek, Oʻzbekiston Prezidenti ikki tomonlama muzokaralar oʻtkazishi va boshqa tadbirlarda ishtirok etishi koʻzda tutilgan.
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring