“Oʻzaviatsiya” agentligi delegatsiyasi ISAO seminarida ishtirok etmoqda
“Oʻzaviatsiya” agentligi direktori Tohir Nazarov boshchiligidagi delegatsiya 23-25 oktyabr kunlari Turkiyaning Istanbul shahrida boʻlib oʻtayotgan “Fuqaro aviatsiyasi havo kemalari parvozlarining xavfsizligini taʼminlash davlat dasturini ishlab chiqish” mavzusidagi ISAO seminarida ishtirok etmoqda.
Seminar doirasida “Oʻzaviatsiya” agentligi direktori ISAOning Yevropa va Shimoliy Atlantika Byurosi hamda Turkiya aviatsiya maʼmuriyati rahbari bilan muzokaralar oʻtkazdi.
Muzokaralar fuqaro aviatsiyasi havo kemalari parvozlarining xavfsizligini taʼminlash davlat dasturini ISAO tavsiyalariga muvofiq takomillashtirish hamda Turkiya aviatsiya maʼmuriyati bilan ushbu masalada hamkorlikni rivojlantirishga bagʻishlandi.
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring