OTM talabalari uchun yana bir stipendiya taʼsis etildi
Oʻzbekiston Respublikasi Prezidenti “Tasviriy va amaliy sanʼat sohasi samaradorligini yana-da oshirishga doir chora-tadbirlar toʻgʻrisida”gi qarorni imzoladi.
Hujjat bilan quyidagilar tasdiqlandi:
2020-yil oktyabr oyida buyuk musavvir va naqqosh Kamoliddin Behzod tavalludining 565-yilligini keng nishonlash;
Kamoliddin Behzod xotirasini abadiylashtirish maqsadida Toshkent shahrining koʻchalaridan biriga uning nomini berish;
2020/2021 oʻquv yilidan boshlab oliy taʼlim muassasalarida tasviriy va amaliy sanʼat hamda dizayn yoʻnalishida taʼlim olayotgan talabalar uchun Kamoliddin Behzod nomidagi davlat stipendiyasini taʼsis etish;
yosh isteʼdodli ijodkorlarni aniqlash va ularni qoʻllab-quvvatlash maqsadida “Kamoliddin Behzod izdoshlari” miniatyura va xalq amaliy sanʼati asarlari ijodiy tanlovini tashkil etish va uni har yili anʼanaviy tarzda oʻtkazib borish belgilanadi.
Kamoliddin Behzod tavalludining 565-yilligini keng nishonlashga tayyorgarlik koʻrish va uni oʻtkazish boʻyicha tashkiliy qoʻmita tarkibi tasdiqlanadi.
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring