Illyustrativ foto

Spirtli ichimliklarni isteʼmol qilishi tufayli koʻp odamlar jiddiy miya shikastlanishi xavfi ostida. Bu haqda Buyuk Britaniyaning demansiya*ni oʻrganish boʻyicha tadqiqotlar olib borayotgan «Alsgeymerlar jamiyati» xayriya tashkiloti maʼlum qildi.

Olimlarning fikriga koʻra, har oʻninchi demensiya bilan ogʻrigan bemorlarda spirtli ichimliklar tufayli miya muammolari mavjud. Spirtli ichimliklar tufayli miya jiddiy shikastlanganda paydo boʻladigan demansiya “Vernik-Korsakoff” sindromi deb ataladi.

Tadqiqotlarga koʻra, spirtli demansiyaning birinchi belgisi xotira buzilishidir. Bunday holda, bemor xotirasidagi boʻshliqlarni oʻzi ishonadigan xayoliy voqealar bilan toʻldirishi mumkin. Bundan tashqari, maʼlumotni qayta ishlash qobiliyati, yangi koʻnikmalar va shaxsiy oʻzgarishlar ham spirtli demansiyani koʻrsatishi mumkin.

Mutaxassislarning tushuntirishicha, alkogol asab tizimining toʻgʻri ishlashi uchun zarur boʻlgan V1 vitaminini oʻzlashtirish qobiliyatini yoʻq qiladi.

Avvalroq Germaniyaning Grayfsvald universiteti olimlari spirtli ichimliklarni isteʼmol qilish erta oʻlim xavfini kamaytirmasligini aniqlagan edi. Tadqiqotga koʻra, umr koʻrishni qisqartiradigan kasalliklarga chalingan odamlar odatda spirtli ichimliklardan voz kechishadi.

*Demansiya — bu bir qator kasalliklarning umumiy termini boʻlib, unda miya toʻqimalarining oʻlishi roʻy beradi. Kasallik miya toʻqimalarining bir-biriga uzviyligini taʼminlaydigan atsetilxolin moddasining yetishmasligidan kelib chiqadi.

Bunda bemorlarning 60 foizida Alsgeymer kuzatiladi.

Kasallik vaqt oʻtishi bilan kuchayib boradi va bemorning butunlay imkonsizligiga olib keladi.

Uning birinchi belgisi sifatida eslash qobiliyati buziladi. Keksa odam nafaqat yangi xabarni eslay olmaydi, balki oʻzida ilgari mavjud xabarlarni ham esdan chiqaradi. U kecha, undan oldin, oʻtgan yil nima boʻlganini xotirasidan yoʻqotadi. Bemorlar koʻproq bolalik xotiralarini yodga ola boshlaydilar. Oʻzlarining xotiralari bilan vaqtlarni oʻzgartirib yuboradilar.