Ogʻir atletika: Hojiakbar Olimov kumush medalni qoʻlga kiritdi
Xabaringiz bor, ayni kunlarda Gretsiyaning Iraklion shahrida ogʻir atletika boʻyicha yoshlar oʻrtasida Jahon chempionati boʻlib oʻtmoqda.
Kecha 89 kg. vazn toifasida erkaklar oʻrtasidagi kurash yakuniga yetdi. Ushbu vaznda yurtimiz sharafini Hojiakbar Olimov himoya qildi.
Siltab koʻtarish mashqida faqatgina ukrainalik Maksim Dombrovski Hojiakbar Olimovdan yuqoriroq oʻrinni band etdi. 2-oʻrinni band etgan hamyurtimiz kumush medalga sazovor boʻldi.
Dast koʻtarish mashqida Hojiakbar Olimovga biroz omad yetishmadi va 4-oʻrinni egalladi.
Shu tariqa, oʻgʻir atletikachimiz terma jamoamiz hisobiga yana bir medalni qoʻshib qoʻydi.
Maʼlumot uchun og‘ir atletika bo‘yicha yoshlar o‘rtasidagi Jahon chempionati 10-mayga qadar davom etadi.
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring