Illyustrativ foto

Norvegiya Yevropa Ittifoqining Rossiya Federatsiyasiga qarshi sanksiyalarining 11-paketiga qoʻshilgan holda Rossiyaga qarshi yangi sanksiyalar joriy qildi.

“Sanksiyalarning yangi bosqichi asosan Yevropa Ittifoqining 11-sanksiya paketi choralariga mos keladi”, — deyiladi mamlakat tashqi ishlar vazirligi hisobotida.

Paket Rossiya hududi orqali harbiy va xavfsizlik xizmatlari, aviatsiya va kosmik sanoat mahsulotlari, hashamatli tovarlar va bir qator boshqa mahsulotlar foydalanishi mumkin boʻlgan tovarlar va texnologiyalarning tranzitini taqiqlashni nazarda tutadi.

Bundan oldin Norvegiya hukumati qator Yevropa Ittifoqi mamlakatlari ortidan Rossiya Federatsiyasida roʻyxatdan oʻtgan avtomobillarning mamlakatga kirishini taqiqlashni rejalashtirayotgani maʼlum boʻldi. Yangilik 3 oktyabrga oʻtar kechasi kuchga kiradi. Xabarda taʼkidlanganidek, cheklovlar toʻqqiz yoki undan kam oʻrindiqli Rossiya davlat raqamlariga ega avtomobillarga nisbatan qoʻllaniladi.

Norvegiya Yevropa Ittifoqiga aʼzo emas. Shunga qaramay, Oslo Bryusselning koʻpgina sanksiya choralarini qoʻllab-quvvatlab keladi.

Oldinroq, rossiyaliklarga Bolgariyaga avtomobilda kirish taqiqlangan edi.