Monumental yodgorliklarni oʻrnatish tartibi oʻzgartirildi
Vazirlar Mahkamasi qarori bilan Oʻzbekiston hududida shaxslarning hayot vaqtida xotirasini abadiylashtirishga va ularning sharafiga monumental yodgorliklar oʻrnatishga yoʻl qoʻyilmaydigan boʻldi.
Shuningdek, hujjat bilan davlat ahamiyatiga molik monumental yodgorliklarni oʻrnatish boʻyicha hukumat ekspert komissiyasi tuzilmoqda. Davlat ahamiyatiga molik monumental yodgorliklarni oʻrnatish, olib tashlash (koʻchirish) toʻgʻrisidagi murojaatlarni koʻrib chiqish va ularning maqsadga muvofiqligi yoki muvofiq emasligi toʻgʻrisida asoslantirilgan takliflar tayyorlash, xulosalar berish va boshqalar uning vazifalari hisoblanadi.
Monumental yodgorliklarni oʻrnatishdan oldin tegishli sohadagi NNT va mehnat jamoalari bilan maslahatlashuvlar oʻtkaziladi.
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring