Moʻgʻuliston Prezidenti tantanali kutib olindi
24-iyun kuni Koʻksaroy qarorgohida mamlakatimizga davlat tashrifini amalga oshirayotgan Moʻgʻuliston Prezidenti Uxnaagiyn Xurelsuxni rasmiy kutib olish marosimi boʻldi.
Qarorgoh oldidagi maydonda faxriy qorovul saf tortdi.
Oʻzbekiston Respublikasi Prezidenti Shavkat Mirziyoyev oliy martabali mehmonni samimiy kutib oldi va shohsupaga taklif qildi. Harbiy orkestr ikki mamlakat davlat madhiyalarini ijro etdi.
Yetakchilar faxriy qorovul safi oldidan oʻtib, rasmiy delegatsiyalar aʼzolarini qutladilar.
Birgalikda suratga tushish marosimidan soʻng oliy darajadagi muzokaralar boshlandi.
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring