Milliy gvardiyaga yangi vakolat berildi
Oʻzbekiston Respublikasining Maʼmuriy javobgarlik toʻgʻrisidagi kodeksiga kiritilgan oʻzgartirishlar bilan Milliy gvardiyaga yangi vakolat berildi. Bu haqda Adliya vazirligining “Huquqiy axborot” Telegram kanalida xabar berildi.
Qayd etilishicha, mazkur qonun [OʻRQ-1024-son, 06.02.2025-y.] bilan Milliy gvardiyaning Bolalar bilan ishlash boshqarmasi hamda uning hududiy boʻlinmalari harbiy xizmatchilari va xodimlarining maʼmuriy huquqbuzarliklar toʻgʻrisidagi ishlarni koʻrib chiqishga hamda maʼmuriy jazo choralarini qoʻllashga doir vakolatlari belgilanishini nazarda tutuvchi oʻzgartirishlar kiritilmoqda.
Hujjat rasmiy eʼlon qilingan kundan eʼtiboran kuchga kiradi.
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring