Milliy gvardiya qoʻmondoni Bahodir Toshmatov lavozimini tark etdi
Oʻzbekiston Respublikasi Milliy gvardiyasiga yangi qoʻmondon tayinlandi.
Ichki ishlar vazirligi matbuot xizmati xabar berishicha, general-mayor Rustam Mirzayevich Joʻrayev Oʻzbekiston Respublikasi Milliy gvardiyasi qoʻmondoni lavozimini egalladi.
U bu lavozimda 2017-yilning avgustidan buyon ishlab kelgan Bahodir Hamidovich Toshmatov oʻrnini egalladi.
Rustam Joʻrayev 2018-yilning fevralidan buyon Oʻzbekiston Respublikasi Ichki ishlar vaziri oʻrinbosari — Toshkent shahar IIBB boshligʻi lavozimida faoliyat yuritayotgandi.
Eslatib oʻtamiz, Bahodir Toshmatov 2019-yilning yanvarida general-polkovnik harbiy unvoni bilan taqdirlangandi. U lavozimini nega tark etgani haqida hozircha maʼlumot yoʻq.
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring