“Maqom”, “Baxshichilik”, Hunarmandchilik, “Lazgi” kabi xalqaro festivallarni oʻtkazish yoʻlga qoʻyildi, 24 ta xorijiy mamlakatda “Oʻzbekiston madaniyati kunlari” yuqori saviyada oʻtkazildi
Ayniqsa, Fransiya, Germaniya, Xitoy, Saudiya Arabistoni kabi davlatlarda namoyish etilgan milliy madaniyatimizning noyob namunalari dunyo jamoatchiligini hayratga soldi va ular Oʻzbekistonni oʻzlari uchun yangitdan kashf etdi.
Bu ishlar davom ettirilib, kelgusida Italiya, Buyuk Britaniya, Qatar, Birlashgan Arab Amirliklarida ham ana shunday koʻrgazmalar tashkil qilinadi.
Keyingi yillarda YUNESKOning Insoniyat nomoddiy madaniy merosi roʻyxatiga yana 9 ta milliy merosimiz namunasi, Buxoro shahri esa “Ijodkor shaharlar tarmogʻi”ga kiritildi.
Shu yil sentyabr oyida YUNESKO Bosh qarorgohida buyuk bobomiz Abu Rayhon Beruniy tavalludi xalqaro miqyosda keng nishonlangani ham muhim voqea boʻldi.
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring