“Manchester Yunayted” kichik hisobda gʻalaba qozondi
Kecha, 23-fevral kuni Angliya Premyer ligasining 27-turi doirasidagi soʻnggi uchrashuv boʻlib oʻtdi. Unda “Manchester Yunayted” Liverpul shahrida “Everton” mehmoni boʻldi.
Uchrashuv 1:0 hisobida Maykl Karrik jamoasining gʻalabasi bilan yakunlandi. Oʻyindagi yagona golga 71-daqiqada Benyamin Sheshko mualliflik qildi.
Ushbu gʻalaba evaziga “Manchester Yunayted” 48 ochko bilan APL turnir jadvalida toʻrtinchi oʻrinni mustahkamlab oldi.
Maʼlumot uchun, “Manchester Yunayted” navbatdagi uchrashuvini “Kristal Pelas”ga qarshi oʻtkazadi. Mazkur bahs 1-mart oqshomida boʻlib oʻtadi.
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring