“Manchester Siti” Angliya kubogida yirik gʻalabaga erishdi
Bugun, 10-yanvar kuni Angliya kubogi musobaqasining 1/32 final bosqichi oʻyinlari start oldi. Kun doirasidan oʻrin olgan bahsda “Manchester Siti” klubi oʻz maydonida 3-divizion vakili “Ekzeter” klubini qabul qildi.
Uchrashuv Pep Gvardiola jamoasining 10:1 hisobidagi gʻalabasi bilan yakunlandi. Gollarga Riko Lyuis (2 ta), Alleyn, Rodri, Semenyo, Reynders, Rayan Makaydu va OʼRayli mualliflik qildi. Yana 2 ta gol avtogol sifatida Fitsuoter va Xeys hisobiga yozildi. Mehmonlarning yagona javob goliga Djordj Byorch mualliflik qildi.
Oʻzbekiston milliy terma jamoasi aʼzosi Abduqodir Husanov oʻyinni asosiy tarkibda boshladi. Birinchi gol aynan Abduqodirning hujumdagi faolligi evaziga kiritildi.
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring