Manba: Koronavirus aniqlangan oʻzbekistonlik ayol bilan birga 48 yoʻlovchi Parijdan uchib kelgan
Koronavirus bilan kasallangani Oʻzbekistonda aniqlangan ilk bemor — ayol kishi, Toshkent shahridan. “Daryo” manbasining maʼlum qilishicha, u Fransiyada bir haftadan ortiq boʻlib, soʻng Vatanga qaytgan.
Manba ayolning aynan qachon Oʻzbekistonga kelganiga aniqlik kiritmadi. Flightradar24 maʼlumotiga koʻra, Uzbekistan Airways Parijdan Toshkentga soʻnggi ikki reysni 10 va 13-mart kunlari amalga oshirgan.
Koronavirusga chalingan ayol qaytgan reysda, birlamchi maʼlumotlarga koʻra, 48 yoʻlovchi, shuningdek, ekipaj aʼzolari boʻlgan. “Ularning barchasi izolyatsiyaga olinmoqda”, — dedi manba.
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring