Maktabni sarson qilgan... tadbirkor
Illyustrativ foto
Yangiqoʻrgʻon tumanidagi 10-maktab direktori Ahmadjon Neʼmatullayev 11 yanvar kuni tuman isteʼmolchilar huquqlarini himoya qilish jamiyatiga ariza bilan murojaat etdi.
Uning arizasida yozilishcha, oʻtgan yilning 23 sentyabr kuni xususiy tadbirkor I. Choriyev bilan maktabda “turniket” oʻrnatish boʻyicha shartnoma tuzgan. Keyinchalik shartnomada koʻrsatilgan summaning 95 foizini, yaʼni 29 million 200 soʻmni naqd pul shaklida oldindan tadbirkorga bergan. Ammo hozirgi kungacha I. Choriyev hech qanday xizmat koʻrsatmagan va bu bilan maktab jamoasi hamda oʻquvchilarning huquqlarini buzgan.
Ushbu murojaat tuman isteʼmolchilar huquqlarini himoya qilish jamiyati xodimlari tomonidan belgilangan tartibda oʻrganib chiqilib, isteʼmolchilar foydasiga 29 million 200 soʻm pul mablagʻi qaytarilib berildi.
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring