Krishtianu Ronaldu yana bir rekord oʻrnatdi
Krishtianu Ronaldu Jahon chempionatlari saralashida eng koʻp gol kiritgan futbolchiga aylandi. Bu haqda “Opta” nashri xabar berdi.
Portugaliya terma jamoasining 40 yoshli hujumchisi Krishtianu Ronaldu kecha, 14-oktyabr kuni Jahon chempionati saralashidan oʻrin olgan Vengriyaga qarshi oʻyinning 22-daqiqasida hisobni tenglashtirdi va birinchi boʻlimga qoʻshimcha berilgan vaqtda jamoasini oldinga olib chiqdi. Bu Ronalduning JCH saralash turnirlaridagi 40- va 41-gollari edi.
Shu tariqa Ronaldu JCH saralash oʻyinlarida gol urish boʻyicha jahon rekordini oʻrnatdi.
Maʼlumot uchun, bungacha bu boradagi eng yaxshi natija Gvatemala terma jamoasi aʼzosi Karlos Ruisga tegishli edi. Ushbu futbolchi Jahon chempionati saralashlarida 39 ta gol kiritgan.
Solishtirish uchun, Lionel Messining Jahon chempionati saralashlaridagi gollari soni 36 tani tashkil etadi.
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring