Oʻzbekiston Respublikasining Misrdagi elchixonasi xodimi Muzaffar Jalilov Keniyaning Nayrobi shahrida boʻlib oʻtgan Jahon meteorologiya tashkilotining Iqlim oʻzgarishi boʻyicha hukumatlararo ekspertlar guruhining 59-sessiyasida ishtirok etdi.

Tadbirda dunyoning 160 dan ziyod mamlakatidan kelgan iqlim oʻzgarishi masalalari boʻyicha olim, tadqiqotchi va mutaxassislar, ekologiya va gidrometeorologiya sohalariga masʼul vazirlik va idoralarning mutasaddilari qatnashdi.

Sessiyada Iqlim oʻzgarishi boʻyicha hukumatlararo ekspertlar guruhining raisi, uning oʻrinbosarlari, guruh byurosi hamraisi va aʼzolari, ishchi guruhlar hamraislari va ularning oʻrinbosarlari lavozimlariga saylovlar boʻlib oʻtdi.

Yashirin ovoz berish yoʻli orqali oʻtkazilgan saylovning ovoz berish jarayoni bir necha bosqichda tashkil qilindi. Ovoz berish  natijalari boʻyicha tegishli lavozimlarga quyidagi davlatlarning vakillari saylanishdi:

Iqlim oʻzgarishi boʻyicha hukumatlararo ekspertlar guruhining  raisi – Buyuk Britaniya,

Iqlim oʻzgarishi boʻyicha hukumatlararo ekspertlar guruhining  raisi oʻrinbosari – Vengriya, Tanzaniya, Kuba.

Guruh byurosi hamraisi – Yaponiya,  Pokiston.

1-ishchi guruh hamraisi – Fransiya, Xitoy.

1-ishchi guruh raisi oʻrinbosari –Argentina, Indoneziya, Shveysariya, Gana, Senegal, Nepal, Kanada.

2-ishchi guruh hamraisi – Singapur, Niderlandiya.

2-ishchi guruh raisi oʻrinbosari –Hindiston, Latviya, Keniya, Chili, Bagama, Gambiya, Venesuela, Avstraliya.

3-ishchi guruh hamraisi – AQSH, Malayziya.

3-ishchi guruh raisi oʻrinbosari –Norvegiya, Jazoir, Turkiya, SAP, Peru, Germaniya, Kongo.

Guruh byurosi aʼzosi –AQSH, Misr, Malayziya, Meksika, Ispaniya, Italiya, Indoneziya, Argentina, Maldiv, Chad, Chili, Eron.

Sessiya yakunida Iqlim oʻzgarishi boʻyicha hukumatlararo ekspertlar guruhining istiqboldagi rejalari, yangi saylangan masʼullarning kelgusida amalga oshiradigan ishlari belgilab olindi.