Katta kredit olib, Turkiyada yashirinib yurgan oʻzbekistonlik qoʻlga olindi
Oʻzbekistonda yirik miqdorda kredit mablagʻlarini olib, ularni qaytarmasdan Turkiyada yashirinib yurgan oʻzbekistonlik qoʻlga olindi. Bu haqda Oʻzbekistonning Istanbul shahridagi Bosh konsulxonasi xabar berdi.
Qayd etilishicha, Oʻzbekiston Respublikasi va Turkiya Respublikasi huquqni muhofaza qiluvchi organlari oʻrtasidagi hamkorlik natijasida Samarqand viloyatida tugʻilgan 37 yoshli fuqaro B.A. aniqlanib, tegishli tartibda qoʻlga olingan hamda qonuniy chora koʻrish uchun Oʻzbekistonga qaytarilgan.
Hozirda B.A. ga nisbatan qonunchilikka muvofiq tergov harakatlari olib borilmoqda.
Bosh konsulxona oʻzbekistonliklarni xorijda boʻlgan davrida amaldagi qonunlarga qatʼiy rioya etishga chaqirmoqda.
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring