Interpol odam savdosi uchun qidiruvda boʻlgan ayolni qoʻlga oldi
BAAda odam savdosida gumonlanib qidiruvda boʻlgan Oʻzbekiston fuqarosi qoʻlga olindi. Bu haqda IIV matbuot xizmati xabar berdi.
Maʼlumotlarga koʻra, ayol qizlarga yaxshi maoshli ishga va'da berib, BAAga olib ketgan. U yerda ularning pasportlarini olib, fohishalik bilan shugʻullanishga majburlagan.
Ayol sudlanuvchi sifatida sirtdan hukm qilingan. 2013-yildan beri u Interpol orqali xalqaro qidiruvga berilgan.
Qayd etilishicha, Interpol tomonidan oʻtkazilgan tezkor-qidiruv tadbirlari davomida ayol BAA huquq-tartibot idoralari tomonidan qoʻlga olinib, Oʻzbekistonga deportatsiya qilingan.
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring